大中華飯店 (已搬遷) 新店位置

友人生日，點名要食大中華。之前同家心食過，不錯，今次都好樂意翻兜。賣哂扇貝，俾左另一種貝類我地。大大隻，蒜蓉辣椒好香，加埋粉絲好惹味，粉絲可以再多啲。Encore黃金鮮魷，太好食喇。鹹蛋黃香味撲鼻，鮮魷又新鮮，炸粉份量剛好，送酒一流。南乳炸吊鱔，冇諗過鱔肉質咁嫩滑，好好食。外脆內滑，點唔點南乳都咁出色。友人指明要食琵琶豆腐，我覺得還好，就係普通豆腐球。黑椒鐵板豬手同上次一樣咁淋，皮煙韌，好啱送飯。