紅茶冰室 (已結業)

工作前想食個豐盛早餐飲杯啡提提神，經過紅茶記得佢啲包幾好食，就入左去食靚早餐，十點幾早市人潮經已散去，更顯得座位寬闊，隨便坐低叫左個歐陸早餐F，見到相中魚柳大大塊，本來預左好似其他茶記一樣圖文不符，點知嚟到真係咁大塊㗎！-🐟魚柳雪藏魚都唔會期望魚味好突出，但個粉漿唔會太厚炸得啱啱好，熱辣辣啱啱炸起，又香又脆，配埋沙律醬真係一絕！-🍳炒蛋一個靚早餐嘅精粹，有蛋香又夠滑，掂！-🌭法蘭克福腸 肉味唔夠濃，肉質唔夠結實，一般般-🍞丹麥多士邊皮焗得脆口，內裡酥軟，唯一挑剔既係油膩左少少🤏-☕️啡走煉奶重手左，啡底ok既為左呢塊大大塊既魚柳，我會再嚟！