MOS Burger (荃新天地一期) (已結業)

今晚晚飯就一個人，事事但但落樓下食算啦，又唔係真係話好肚餓，咁就試下mos burger 啦。

入到去之後店員就幫我量體溫，跟住就埋去選擇食咩啦！見到有個法式和牛漢堡包賣相幾好，就佢啦，再加多個雞肶同可樂嘅套餐。
俾錢之後就坐係度等啦，店舖有送餐服務，好快個餐就送到黎啦，一如以往嘅user friendly 包裝，個包都幾大下，塊和牛漢堡就重大，入面有d燒汁，生菜絲，芝士片同埋塊和牛，味道都幾夾，但係就稍為覺得係和牛漢堡煎得乾左少少。跟住到雞腿啦， 個皮都炸得幾脆，但係肉就鞋左d, 味道都可以，最後飲埋可樂就走啦，讓返張枱俾其他人。