大將 (已結業)

旺角地鐵站一出就係TOP商場，本來諗住食Foodcourt, 但俾佢任飲任食日式和牛一人鍋吸引住。餐牌有不同產地和牛套餐可以選擇，見佢原來仲有北海道黑毛和牛任食，仲可以一次過試晒所有餐牌上既牛，都幾抵食。自助任飲除左汽水茶咖啡，仲有樽裝鴻福堂涼茶；熟食竟然好受歡迎，有烤雞蛋卷小食等都唔錯。蠔🦪有兩大隻，令到個湯有海鮮甜。點既和牛黎到好大盤切得好靚，睇落新鮮。推薦黑毛和牛，因為真係入口即化，雪花平均，另一隻澳洲和牛反而仲濃牛味，同樣無根又好易𡁻。豬同雞都好新鮮，唔會有雪藏味，不過當然要留肚俾和牛。