椰子日記 (已結業)

同朋友去油麻地行街，咁岩經過一間新開張既椰子專門店，呢度有椰子凍、椰子碗、椰奶，甚至係椰子奶蓋茶，完全係椰子愛好者既天堂！我地叫左一個雜果芋圓椰凍 ，原個椰子入面有椰凍，質感有啲似豆腐花，椰凍上面芒果同埋火龍果同芋圓。層次豐富，亦都好靚，拎黎影相打卡一流！仲有呢個網紅巴西莓碗，底層係巴西莓既沙冰，上面有士多啤梨同埋藍莓，夏天食好消暑，而且又健康！除左椰子碗，我地仲叫左兩杯野飲，包括呢杯椰奶藍水晶，鮮榨椰奶加埋波子氣水味既jelly,好味道！仲有呢杯椰香雪絨四季春，用左椰奶蓋取代芝士奶蓋，一樣咁好飲！