紐約客 (已結業)

嘩嘩嘩！原來紐約客係銅鑼灣開咗新鋪！話說之前女朋友去過北角個間😎不過我一直都沒機會試，前兩日接完女朋友放工就去左銅鑼灣去下街街，肚餓諗緊食咩好就記起佢地開左新舖😂所以就入去試下係咪咁好食啦！😏店內裝潢好有美式風格，座位多，大約可以坐70-80人👍🏼海洋梳打-HKD38$好靚嘅藍色啊！😍😍 成杯野真係好靚，上面仲有兩條海豚軟糖🙈超得意呢！😛味道方面係藍色檸檬梳打，飲落去好清新，加上份量都大杯！最適合配漢堡包同美式燒排骨😎只係介紹咗野飲，點可以唔介紹下主菜呢🙈我哋叫咗蘑菇牛肉漢堡同呢個美式醬燒豬肋骨🍔🍗蘑菇牛肉漢堡-HKD88$其實個蘑菇漢堡都好好食！我叫左7成熟，牛肉咬落有肉汁，唔會乾爭爭😚加上嗰啲菇菇超好食😆鍾意食菇嘅朋友真係要試吓😛美式醬燒豬肋骨-HKD198$超大份！😮足足有十支骨！對於him呢啲大食嘅小朋友👶🏻真係超級滿足呢！豬肋骨唔會燒得太乾，肉質燒得好鬆軟！配上佢地外層甜甜地既BBQ汁，真心幾好食😘嘅除此之外，跟餐仲附送薯角，呢個價錢來講其實真係超抵🙈因為我一個人真係食唔晒🙃完全飽到上心口😵所以如果細食啲兩個女仔都夠食😂