金鳳大餐廳 (中染大廈(8咪半))

营业中

休息中

近排番工好大壓力呀😵‍💫所以決定要好好大食一餐氹番自己!!黎左呢間港式扒房😈食番個鐵板餐先同朋友叫左一份美國扒餐同一份港式雜扒，2款都好大份好高質:美國牛小排餐 ($178) - 諗住試一樣好d嘅所以叫左牛小排，朋友唔食太生所以叫左7成熟，估唔到都咁有驚喜😀 肉味都幾濃又唔鞋，d肉仲有少少粉紅色啱啱好👍🏼 美國扒餐下面仲係配薯格，好正😋美式什扒餐 ($112) - 由細細個開始同屋企踞扒都必定叫什扒，好似好抵咁嘛乜都有😈 呢度都一樣，有勁大塊豬扒雞翼腸仔火腿同牛扒😂 食到一半已經超飽，大食仔一定啱👍🏼每個扒餐都會跟餐湯，餐包，同野飲🥤 我地+$18轉黑牛做特飲，滿足哂好攰嘅一日✌🏻