民華餐廳

营业中

休息中

今日朋友話一定要入「民華餐廳」食早餐，我其實已經食咗少少嘢，我半推半就嚟咗，點知原來有驚喜， 我仲成個常餐食曬。我呢就叫咗叉燒通， 腸仔煎蛋，牛油多士熱香滑奶茶。朋友就叫咗薑絲牛肉通， 餐肉煎蛋，牛油方包，同埋凍檸茶 。我哋好鍾意D通粉，因為佢係用冇坑紋那款，非常彈牙。我嘅叉燒好爽口，脂肪同豬肉層次分明，蛋煎得好用心，有糖心。奶茶就係屬於正常好飲。最後，我朋友仲要係食唔曬，佢將個牛油方包打包拎走。 我反而食曬，仲要捧住個肚走。