魔膳工房 (已易手) 新餐厅

觀塘的樓上Cafe真係好多，食極都食唔曬。是晚與友人到APM旁的魔膳工房晚飯。其實每日路過，都見到佢地既店員係樓下派傳單，一直都想去食下，只係未有機會試姐。睇完餐牌，每樣菜式的名稱都很特別，搞到我地每樣都想試。我們選擇加多$38試埋佢個Salar Bar。Salar Bar的款式不算很多，都係幾個菜、生果、湯……。個人覺得它的雜菌忌廉湯好味的，很多磨菇蓉，很香。主菜其中一樣點了 ’美國豬鞍扒配意大利黑醋汁’ ($178)豬鞍扒其實即是平時的豬扒，即係豬的背部，這裹的豬扒非常厚，大概是平時的豬扒兩倍吧，很有咬口。同店員閒傾幾句，得知豬扒冇特別醃製過，所以可以食到較香的肉味，其實配上黑醋，也能凸出黑醋的甜品。而另一樣，就點了 ‘大蝦蒜香欖油意粉’ ($138)大蝦既香且爽口，意粉加上小量辣油製作，不算辣，很開胃。最後我們點埋甜品，其實一開始已被它的甜品manual吸引。藍莓蘋果金寶配雲呢拿雪糕 ($48)藍莓和蘋果粒很多，焗過後都很香甜，配上冰凍既雪糕一齊食，味道更好。百利甜酒意大利飯撻配百利甜酒雪糕 ($56)喜歡飲酒的朋友應該會鍾意，會一口都吃到很香酒味，而且賣相吸引，冇選擇錯啊!!下