DOJE (已結業)

DOJE 📍尖沙咀K11 musea food court 有好多好野食 上星期去西九野餐就喺呢度買野食🤣 呢間韓國嘅腐皮壽司定價大約$30一件😋 每件都大大件 女仔食兩三件都夠😎🐟炙燒三文魚三文魚加咗蛋黃醬再炙燒好邪惡😛 蛋黃醬唔會搶咗三文魚嘅鮮味 三文魚大大粒 仲有三文魚籽 唔錯😋🐣芝士辣炒雞幾鍾意呢款 雞肉份量好多 唔會太辣 上面鋪滿芝士好惹味😋 底層嘅飯加咗芝麻同紫菜 層次好豐富💕🦀蟹棒明太子蟹棒切到好碎 同鹹香嘅明太子好夾🧡🧡 加咗明太子醬份外惹味😆🦐醬油蝦好少見到醬油蝦會出現喺腐皮壽司到 一於試下😆 醬油蝦醃到好入味 蝦肉都幾多 入口甘甜 肉質軟綿有啲似甜蝦蓉 唔錯🥰