芝樂坊餐廳

久仰大名，一直以為係cafe食cake，原來係間美國餐廳。同朋友星期日下午茶時間去，未算好多人排隊，等左20分鐘左右就有位，限時食2個鐘，時間好充裕。兩個女仔唔係好餓，我地叫左個炸芝士通心粉球漢堡同紅絲絨芝士蛋糕，其實兩樣都好美味，但兩個人罎女實在太多太濟！最後我地cake只係食左半件，仲剩左啲薯條。漢堡芝士味好濃，肉味的好juicy，但就咸左啲，加埋酸瓜同蕃茄就好啲。蛋糕啲cheese 都好正 好鬆軟，不過係太飽之下食 兩三啖就ko自己，最好起碼4個人以上來食，傾計share就好啦！