榮式燒雞扒專門店

营业中

休息中

今日同個同事黎到呢到食野，黎到呢到就緊係要食雞扒，呢個雞扒做得好好，唔需要多講，不枉佢叫榮式雞扒店，一食就知相比大部分地方食到嘅雞扒更用心機煮，雞扒份量十足，一個飯都有兩塊大大塊既雞扒，岩哂我呢d食肉獸，而且煎得好香口，外皮好香脆，食落好有口感，最勁既係外皮煎得香脆之餘，又唔會煎得好乾，而入面d肉仲保持到好彈牙既口感同埋仲好有肉汁。呢個魚香茄子煲都好惹味，真係好大煲，夠幾個人食，個煲好有油香，好有鑊氣，無論魚肉同茄子都配合得好好，而且入面有d豬肉，令到個煲更加甘香同美味。我仲見到呢到嘅下午茶都好吸引，下次要黎試一試！