留意到大埔呢間餐廳開左一排 都未試過
BIER & ESSEN 係間同時有德國菜同意大利菜既餐廳🤩
最近好想食豬手 就去左試下😇
餐廳算近港鐵太和站亦離大埔中心唔遠
十分鐘內就行到🚶🏻
大門由大玻璃同鮮藍門框組成 甚有格調💙
內裡裝修以深色為主 有一幅泥紅磚牆
樓底幾高 空間感十足 座位舒服
設有投射大螢幕同大電視 直播運動賽事⚽
氣氛悠閒舒適 岩晒放工黎HAPPY HOUR飲兩杯🥰
最近仲有新推既小麥白啤三小時任飲添 😉
我地今次叫左抵食二人套餐 👐🏻
包左餐湯 一個前菜 兩個主食 兩杯野飲
食物好豐富 真係好抵食😎
💥蕃茄蔬菜湯x蒜蓉包
微酸鮮味 都幾多菜🥬 仲有好耐無食既西芹
蒜蓉包牛油香草味濃郁
💥墨西哥粟米片拌蕃茄莎莎及牛油果醬
好岩送啤酒既前菜
粟米片微咸香脆配埋好CREAMY既牛油果醬
一片又一片 一陣就食晒
💥招牌德國咸豬手配酸菜及薯蓉
賣相一流 豬手個皮睇到都知極脆
豬手大大件 份量十足🍖🍖 兩個人都差啲食唔晒
脆卜卜 肉質仲係又嫩又腍 一啲都唔乾😋
仲有兩球薯蓉&酸菜
配埋相當開胃既芥末酸甜醬&沙律醬
💥10吋煙三文魚芝士薄餅
薄批PIZZA 烤得岩岩好🍕
熱辣辣 芝士香氣迫人🧀
餅底夠薄夠脆 唔會食到一口粉
煙三文魚夾埋芝士既咸香味非常突出
簡單好味道
💥 黑啤
🍻大大杯 偏清爽易飲 清熱氣🍺
