燚 (已結業)

最近升職加人工所以就請個同事食晏，知道同事鍾意食 Omakase，所以就訂咗呢間係大埔幾高人氣嘅鐵板燒。餐廳門口非常有神秘感，舖頭雖然唔係好大，不過都設有吧枱同卡位可供選擇，今次點咗廚師發辦套餐。✨沙律✨煙三文魚沙律 🥗用煙三文魚包住蔬菜，配上菠蘿及車厘茄作為伴碟，而醬汁就以泡沫製成，賣相非常吸引。✨前菜✨冰鎮鮑魚 鮑魚肉質爽彈，而且仲鋪上金箔更顯矜貴，另外店員亦非常細心，預先將鮑魚切好。✨海鮮✨鮑魚配虎蝦 🦐為免蓋過鮑魚本身嘅鮮味，所以廚師特意用上蒜味唔太濃烈獨子蒜作為調味料，將虎蝦製成蝦餅，口感香脆食法創新。✨海鮮✨帆立貝配白鱔 🐟帆立貝加入黑松露及牛油，味道非常濃郁，而白鱔為保持原汁原味，煎熟後廚師再輕輕灑上竹炭鹽就可享用。✨肉類✨牛柳揀左五成熟，牛肉口感同味道都一絕，配搭伴碟既香蒜片同少許芥末，口感層次豐富。✨炒飯✨海蝦炒飯 ❤️炒飯味道唔錯，而且廚師係炒嘅過程中都同我哋有唔少互動。✨甜品✨紅豆吉士班戟 🍰擺盤相當精緻，用上幾種食用花作為伴碟，而且亦選用日本出品嘅紅豆，可見廚師對食材都有一定嘅要求，自己超級鐘意食呢款甜品。