燚 (已結業)

生日飯繼續食，今次朋友就帶我去大埔食一間鐵板燒，舖頭呢坐吧枱個位置唔多，如果想坐吧枱呢就要預先訂位，當然食鐵板燒最主要就係睇廚師煮嘢食啦個過程，所以大家一定要去book 位😎今次我哋叫咗個套餐，當中包左個沙律，海鮮兩款，肉類一款，炒飯，最後呢就有甜品，我哋另外仲叫咗兩杯啤酒，啤啤佢，仲叫咗小食白飯魚亁送啤酒🍻白飯魚亁好特別，啲白飯魚壓到一張紙咁樣，給幾脆身，再配上沙律醬至於沙律呢就好清新，而且擺碟都好靚，重點嚟啦，鐵板燒帶子同埋鮑魚，鮑魚上面都擺上口口嘅蒜蓉，至於帶子再配上黑松露，半碟都好靚，至於伴碟上面嘅泡泡其實係蝶豆花海鹽柚子，好特別！至於肉類呢，我哋就揀咗雞扒同埋豬扒，小編就鍾意食雞扒多啲，雞扒好Juice，至於豬扒呢都唔會話好乾身，味道都唔錯，最後炒飯都好有鑊氣，而且裏面有有雞蛋，蔥花炒埋一齊，好簡單，但係好好味😎最後呢，甜品就係一杯雪糕上面有啲金箔點綴下😊，成個晚餐氣氛都好好，係一個唔錯嘅享受！