影片
更多
2020-09-21
1741 浏览
今日放假陪妈妈出嚟大埔街市买嘢，买嘢之前就揾餐厅食午餐先，想食日本野，近近地附近有间都几好多好评既餐厅，一于就系到食lunch 😗😗晏昼一点几，估唔到都几full，小店唔算大大概可以坐10几人，啱啱好剩返两个位，唔使等😆有午市拉面套餐，每款$60 ，可以加饮品同埋小食。我哋就一人叫咗一个餐😬一碗一鸣拉面，一碗黑蒜。鸣拉面🍜店内嘅环境都做到好似日本咁，好多日本嘅poster落完单先见到有个夏日限定嘅拉面或者乌冬，都几吸引🥺🥺我哋坐系吧枱可以睇住师傅整嘢食🤪啲碗碗碟碟都放得好企理，真系好似去咗日本嘅拉面店，细细间，得一两个员工😝😝首先嚟咗两杯饮品，一杯系西柚梳打，另一杯系青柠青苹果梳打。个人比较喜欢西柚梳打，酸酸甜甜，又醒神又开胃！青柠青苹果梳打就比较甜，建议少甜比较好😬首先系我个碗黑蒜。鸣拉面面我拣左直面配叉烧，个汤底超级浓😍😍超香黑蒜油味，食落口唔会好油。只糖心蛋啱啱好，食完半只系唔够喉，好想加多一只🤣块叉烧肥瘦均匀，都好淋，食得出有烧过/煎过！妈妈𠮶碗系一鸣猪骨浓汤拉面，佢就配猪软骨同曲面，试咗佢一啖，可能我个黑蒜油比较重口味，显得呢一碗清啲，不过妈妈话佢觉得ok，猪骨味都好够香浓！
晏昼一点几，估唔到都几full，小店唔算大大概可以坐10几人，啱啱好剩返两个位，唔使等😆
有午市拉面套餐，每款$60 ，可以加饮品同埋小食。我哋就一人叫咗一个餐😬
一碗一鸣拉面，一碗黑蒜。鸣拉面🍜
店内嘅环境都做到好似日本咁，好多日本嘅poster
落完单先见到有个夏日限定嘅拉面或者乌冬，都几吸引🥺🥺
我哋坐系吧枱可以睇住师傅整嘢食🤪啲碗碗碟碟都放得好企理，真系好似去咗日本嘅拉面店，细细间，得一两个员工😝😝
首先嚟咗两杯饮品，一杯系西柚梳打，另一杯系青柠青苹果梳打。
个人比较喜欢西柚梳打，酸酸甜甜，又醒神又开胃！青柠青苹果梳打就比较甜，建议少甜比较好😬
首先系我个碗黑蒜。鸣拉面
面我拣左直面配叉烧，个汤底超级浓😍😍超香黑蒜油味，食落口唔会好油。只糖心蛋啱啱好，食完半只系唔够喉，好想加多一只🤣
块叉烧肥瘦均匀，都好淋，食得出有烧过/煎过！
妈妈𠮶碗系一鸣猪骨浓汤拉面，佢就配猪软骨同曲面，试咗佢一啖，可能我个黑蒜油比较重口味，显得呢一碗清啲，不过妈妈话佢觉得ok，猪骨味都好够香浓！不得不提佢嘅猪软骨好好食，入味之余焖得好淋，唔会痴牙😝同埋佢呢碗加咗唐辛酱，小辣，真系微微既辣，几正！
仲有佢个曲面比较弹牙，同埋粗身少少，如果下次再嚟食我会拣曲面，啱我口味😝
每碗拉面仲加咗小食，饺子同埋炸鸡各一。
我几钟意食个饺子，尤其系配埋个青葱酱油，好香口，里面嘅猪肉馅料都几多，唔错唔错。
炸鸡就干咗少少，不过佢个沙律酱同普通𠮶啲唔同，点埋炸鸡都几好食👍🏻
总括来讲，小店喺地铁站附近都好方便，食完行过去街市𠮶边买嘢都好近，小店嘅装修都好日本，两碗拉面都几高水准👍🏻仲有就系午市套餐加埋饮品同埋小食，价钱算平，每人$100都唔使，好抵食😆
张贴
