影片
更多
2022-08-26
23 浏览
燚 📍 大埔翠樂街11號美豐花園地下10號舖🌄環境環境清幽，鬧市中嘅一處寧靜之地，燈光比較暗，啲光聚焦左喺廚師同埋鐵板上面，俾人等待嘅時候可以專心欣賞到廚師嘅功藝，幾有日本餐廳嘅感覺🍴食物我哋呢個set係$788嘅，大家見到冇寫價錢嘅都係包括喺呢個set入面，而有寫價錢嘅就係另外嗌嘅～另外要留意嘅係，有啲食材係要預訂嘅，例如海膽、和牛等～👍🏻🥗前菜❤️煙三文魚黑醋沙律煙三文魚帶有淡淡的煙熏味，一啲都唔重口味，用來做沙律，完全做到襯托出後面主菜嘅作用。黑醋係意料之外嘅好食，原本以為係普通嘢，但食落去發現廚師有自己處理過，黑色杰杰地嘅質感，但係食落去清香，食到之後嘅前菜，嗰個清香仲留喺齒頰之間。呢個沙律有趣嘅係上面仲有一粒橙色嘅龍珠果，佢係包係啲葉中間，從來未食過呢種水果，口味清香甜甜地帶啲酸，沙律無可挑剔。推薦度：😋😋😋😋😋❤️魚子醬蛋佢係一隻水波蛋上面放咗少少魚子醬，魚子醬鹹鹹地帶有鮮味，配埋蛋黃嘅濃烈蛋香，非常夾。推薦度：😋😋😋😋🍽️主菜🧡鮑魚大蝦配蝶豆花泡泡兩隻鮑魚上面放咗一大堆蒜蓉，本來以為蒜蓉味會冚過啲鮑魚味，但食落去，啲蒜蓉應該係落咗少少蝦又去煮，配埋鮑魚嚟食反而襯托出淡淡嘅鮮味。
📍 大埔翠樂街11號美豐花園地下10號舖
🌄環境
環境清幽，鬧市中嘅一處寧靜之地，燈光比較暗，啲光聚焦左喺廚師同埋鐵板上面，俾人等待嘅時候可以專心欣賞到廚師嘅功藝，幾有日本餐廳嘅感覺
🍴食物
我哋呢個set係$788嘅，大家見到冇寫價錢嘅都係包括喺呢個set入面，而有寫價錢嘅就係另外嗌嘅～另外要留意嘅係，有啲食材係要預訂嘅，例如海膽、和牛等～👍🏻
🥗前菜
❤️煙三文魚黑醋沙律
煙三文魚帶有淡淡的煙熏味，一啲都唔重口味，用來做沙律，完全做到襯托出後面主菜嘅作用。黑醋係意料之外嘅好食，原本以為係普通嘢，但食落去發現廚師有自己處理過，黑色杰杰地嘅質感，但係食落去清香，食到之後嘅前菜，嗰個清香仲留喺齒頰之間。呢個沙律有趣嘅係上面仲有一粒橙色嘅龍珠果，佢係包係啲葉中間，從來未食過呢種水果，口味清香甜甜地帶啲酸，沙律無可挑剔。
推薦度：😋😋😋😋😋
❤️魚子醬蛋
佢係一隻水波蛋上面放咗少少魚子醬，魚子醬鹹鹹地帶有鮮味，配埋蛋黃嘅濃烈蛋香，非常夾。
推薦度：😋😋😋😋
🍽️主菜
🧡鮑魚大蝦配蝶豆花泡泡
兩隻鮑魚上面放咗一大堆蒜蓉，本來以為蒜蓉味會冚過啲鮑魚味，但食落去，啲蒜蓉應該係落咗少少蝦又去煮，配埋鮑魚嚟食反而襯托出淡淡嘅鮮味。大蝦肉質新鮮鮮甜，上面配咗蝦膏整嘅汁，夠重口味，配埋蝦肉食好夾。比較驚喜嘅係蝶豆花泡泡，廚師話食海鮮做多少少會增加鮮味，我都點咗少少，但係其實本身都已經好夠味，好鮮甜，係錦上添花。
推薦度：😋😋😋😋
🧡魚子醬帶子配意大利黃瓜 $138
魚子醬同前面魚子醬配水波蛋嘅魚子醬係一模一樣，但係今次配帶子又有另一番鮮味。之前配搭水波蛋有濃厚嘅鮮味，魚子醬嘅鹹鮮帶子就帶出到帶子本身嘅鮮甜。比較特別嘅係帶子下面配咗意大利黃瓜，食落去口感比較爽身，食落冇乜味道，但有少少清香，作為配角襯托出帶子嘅鮮甜非常用心。
推薦度：😋😋😋😋
🧡牛柳粒
淨係睇擺款已經好吸引，廚師將紅菜頭切到有啲似Mario嘅蘑菇，好可愛！😍廚師好有心機分開咗兩種調味料，重口味嘅有黑胡椒蒜蓉片，淡口味嘅有淡口甜醬☺️無論係重口味定係淡口味都非常啱食！牛柳粒口感軟腍，冇筋，我哋要咗五成熟，燒得啱啱好，肉汁鮮甜。
推薦度：😋😋😋😋😋
🧡澳洲羊扒 $288
呢個係另外單獨叫的，我同朋友都極之推薦呢一款，首先佢係完全唔會有羶味，反而好似係牛扒咁，入口係好舒服嘅味道🥰我哋叫咗七成熟，真係煎得啱啱好，入口肉質好軟嫩。而且佢會配埋個柚子醬，將味道變得好清新。
推薦度：😋😋😋😋😋
🧡炒飯
炒飯係煎完啲肉之後再炒，所以鐵板燒上邊會有少少肉嘅油脂，令到個炒飯都有種甘香。而且佢仲附上一隻大蝦，令到個炒飯更加豐富，飯粒亦都粒粒分明
推薦度：😋😋😋😋😋
🍲湯
💙日式麵豉湯
但唔會令人感到太咸。令我感到好驚喜嘅係切豆腐嘅刀法，切到有種文思豆腐嘅感覺，喺碗湯入邊自然散開咁。食落去嘅口感都比起唔切嘅豆腐更加多層次
推薦度：😋😋😋😋
🍰甜品
💜紅酒燉雪梨
雖然係紅酒但係佢已經燉到冇曬酒味，相反食落口仲有啲清新嘅感覺。佢係要連埋忌廉同雪梨一齊食，雪梨個口感係外面軟身同入面爽口，個汁亦有玫瑰清香😍
推薦度：😋😋😋😋
燚
张贴
