新麻蒲 BBQ (大埔超級城) (已結業)

二人行去左食燒肉。一坐低已經有7至 8蝶前菜。有生菜，沙律，青瓜，泡菜，醃料配芽菜，酸酸微微嘅牙菜。全部前菜都好開胃😋😋！燒烤爐嗰外圍有條坑，坑入面有啲蛋同泡菜，一路食燒肉嘅時候，個火會整熟埋啲蛋，都幾好味！我哋叫咗特級霜降牛肉，芝士炒年糕伴拉麵，藍天檸檬汽水。特級霜降牛肉非常厚切，肉味香濃，油脂分佈平均，值得一試。 呢款牛肉 本身冇乜醃料。所以食嘅時候建議加少少鹽，令到肉味提升。芝士炒年糕伴拉麵：用辣醬同埋芝士炒香煎年糕再加落個拉麵度。 都幾辣㗎！如果叫呢隻面食，真係要叫返杯飲品中和一下啲辣😂😂😂啲芝士融融地，有少少拉絲。同啲辣醬同埋煙煙unun嘅年糕係邪惡嘅最佳組合。😋😋😋藍天檸檬汽水有啲似青檸梳打甜甜地 有氣都幾大杯 解辣解 油膩一流！