OPPA韓國燒肉店 (已結業)

呢排食韓燒好似食到上咗癮咁， 所以今日放工就去咗一間喺大埔都開咗一段時間嘅韓燒， 聽聞呢度有放題食， 見到門口有張海報做緊早割和晚割嘅優惠， 188蚊加每兩位送一份熟食, 覺得價錢ok， 入咗去試試。真露蜆湯 /牛肋骨湯 我哋當日係四個人去食，所以送咗兩份熟食， 真露蜆湯幾重胡椒味和有蜆嘅鮮味。 牛肋骨湯應該落咗牛奶去煮， 飲落又少少creamy， 同埋都幾重牛味。豬頸肉+ 五花腩 +前菜呢度同大部分嘅韓燒店都一樣， 上菜前都有幾碟前菜分別有泡菜，醃芽菜，海帶同埋有一籃生菜， 生菜係配燒肉嚟食，食落去會感覺， 冇咁肥膩 ， 呢度嘅豬頸肉用韓式醃料醃過， 有少少辣， 幾野味， 配韓式辣醬和韓式燒汁夾生菜食一流。 五花腩應該冇醃過， 但本身五花腩嘅脂肪燒起嚟都好甘香， 我比較鍾意食燒得比較燶少少嘅五花腩， 感覺上可以迫曬入面嘅肥油出嚟食囉咁肥膩。美國牛小排+無骨牛肋肉牛肋肉切得比較厚身少少， 食落比較有口感， 油花嘅分佈都幾靚， 有朋友唔係好食得太生牛肉， 所以當日我哋比較燒得熟少少， 牛肋肉都唔會韌。 牛小排我就燒到嗰邊開始有少少燶邊， 食落有少少焦香同埋都幾重牛味。