燚 (已結業)

平日難得放假同朋友喺大埔入咗呢間門面神秘嘅餐廳，到步俾大木門震懾左一下，好有氣勢。我哋嗌咗入門八道菜廚師發板套餐，超級飽肚同夠食！菜色由一開頭嘅沙律度到甜品 都十分有心思。沙律三文魚加沙律菜再被沙律汁泡沫包圍，十分開胃。巴拿馬火腿乳酪配菠蘿乳酪蟹籽同ham伴菠蘿汁，酸酸地好開胃。Ham夾上乳酪原來非常夾！北海道雕魚配帶子兩樣刺身加上魚子醬同wasabi,非常鮮味！炒鰻魚加聖子鰻魚加上蘆筍同聖子，配上柚子泡沫，味道很夾。宮崎縣厚切黑豚扒肉質十分鮮嫩，配上特製豬油同一點點嘅菠蘿蘋果蓉，十分清新又唔會好膩！澳洲牛柳粒五成熟煎得剛剛好！