囍囍小廚

营业中

休息中

真的好耐無去大排檔食飯，唔係朋友講起，都唔知大埔有間咁正嘅大排檔。如果不是大埔街坊，真係有點難找😅，店舖是在一條巷仔里面。這店不是一般露天大排檔，而是有冷氣的，不用食到一身大汗。佢哋嘅菜單非常多款式，價錢都是平民街坊價，就能食到高質嘅小菜，碟碟鑊氣十足，出菜上枱都很快。我們叫了以下👇👇菜式🥢 菠蘿鮮果咕嚕肉一直以來都喜歡食酸酸甜甜的咕嚕肉，現在配上多款鮮果，食完咁多肉都唔會覺得膩🥢 豉椒炒花甲我們叫左時令海鮮豉椒炒花甲，用嚟送酒🥢 街頭脆皮炸大腸我很少食大腸，食都是其他的煮法，今次試下這個炸大腸又幾脆口，不錯👍🥢 潮式炸蠔餅炸得香脆可口，連同花甲、炸大腸一起食，送酒最啱🥢 生炸芝麻湯圓最後當然食番個甜品，就非常大滿足啦我覺得佢哋嘅裝修幾新穎，牆上的字句幾特別，《人在江湖走，豈能唔飲酒》講得幾啱，人生就是要飲飲食食，同一班好友或家人一起進餐暢飲，真是一件快樂的事。題外話，我見老闆跟很多街坊食客打成一片，有傾有講，非常健談，難怪咁好生意。