食味道小廚

营业中

休息中

最近喺大埔街市熟食中心食過呢間小廚，都幾有鑊氣。今次兩個人食咗四款：輝哥炒飯~飯粒可以做到粒粒分明，配菜以海鮮為主，口味微辣，非常開胃！蒜蓉粉絲蒸茄子~滿滿嘅蒜蓉香味，搭配清淡有益嘅茄子，口味清爽，一口一件，滿滿嘅幸福感。小炒王~海鮮款式同份量都非常多，只係蝦，都用上蝦乾及新鮮蝦兩款，每款蝦都有唔同口感，另外腰果及小魚乾都非常香脆。西湖牛肉羹~湯羹嘅口感唔算太厚，一匙羹入口豆腐同牛肉都可以食到，比例合適。而且可以帶海鮮加工，幾特別嘅會係......按枱嘅大細及每碟去收費，細枱80/大枱$105蚊蒸；細枱105/大枱$125炒，好似抵過其他按每斤收費嘅店🤭等我下次都拎海鮮去先