燚 (已結業)

今日朋友仔生日，同佢嚟咗位於大埔嘅鐵板燒店食午餐。燚裝修風格特別，佢地用黑色嘅門封住入口位，餐廳環景昏暗，帶點浪漫。除此之外，餐廳仲有魚缸，會投影出藍藍地嘅光。餐廳唔大，只有差不多4張檯。今次我地坐正鐵板前，可以睇住廚師烹製食，又好食又好睇。第一道菜係沙律，煙三文魚野菜沙律。沙律嘅擺盤好精緻，底下嘅泡泡原來係沙律醋。沙律菜好新鮮，好爽脆，配埋醋好夾。三文魚煙燻過，好香，而且三文魚好新鮮。菠蘿配帕馬火腿第二款係前菜，用左新鮮菠蘿嚟配搭parma ham。菠蘿酸酸甜甜，好juicy，中和左parma ham嘅鹹。Parma ham味道香濃，啖啖鹹香。之後，廚師就會開始係鐵板即場住食，首先上嘅係海鮮拼盤，海鮮種類眾多。魚：魚肉好彈牙，好滑。廚師將魚皮煎到好脆，薄薄一片，好香口。扇貝：扇貝新鮮，大大粒。廚師冇將佢煮到全熟，半熟嘅口感更加好，更加鮮甜，唔會靭。鮑魚多士：多士片配搭住蒜蓉鮑魚。鮑魚大大隻，有咬口。蒜蓉份量多，好香口，惹味。整體配搭得好好，每款食材配搭得好好。主食方面，我地叫左嚟自日本嘅雞肉同豬肉。日本秋田雞扒：雞扒煎得好脆口，充滿雞油香。雞肉又滑又彈牙，口感非常好。宮崎豬排：豬排大