龍亭

上星期去大埔呢間「龍亭」試吓日式鐵板燒

$1088嘅【極品十道菜廚師發辦套餐】有驚喜！
刺身環節係原隻生蠔，上面仲鋪滿金黃海膽做點綴，蠔肉creamy得嚟帶海水鮮味，配埋海膽嘅甘甜真係豪華享受！🤩

鐵板海鮮係燒南非鮑魚同北海道帶子，師傅將鮑魚燒到啱啱好唔會過韌，仲加咗海膽提升香味。帶子就保持到外脆內嫩。

肉類部分係薄切牛肉片包住蔥花同爆香蒜蓉，呢個做法好岩送飯😆！蒜香滲入肉汁又唔會蓋過牛味，比起一般厚切和牛更多咗份惹味口感。成個set食落豐富得嚟唔會滯～