郭仔記粥麵專家

营业中

休息中

大埔開業多年嘅車仔麵店，喺昌運中心有分店，今日來大埔墟分店試一試。車仔麵店環境衛生一般，座位唔多，可以自己畫紙仔點車仔麵食。第一碗點咗豬軟骨同豬紅米粉，有自家製辣醬點咗中辣。雖然豬軟骨係推介嘅食物，而且價錢唔平，但係質素都其實係普通。豬紅正正常常，自家製辣醬辣度適中，但味道並非十分特別。第二碗點左蘿蔔，豬腸，牛肚及鳳爪河粉。豬腸有少少味道，感覺上洗得唔係好乾淨。其他餸蘿蔔，牛肚及鳳爪等等就正正常常。由於店舖環境嘅關係，同埋價錢又唔係特別便宜嘅關係，相信區內有唔少車仔麵店係更好嘅選擇。