豐生水起 (已結業)

今晚朋友喺香港島遠道而來大埔探我 我為咗慰勞佢哋咁辛苦嚟到 就決定去呢間豐生水起度食飯 呢間餐廳喺大埔都算出名 因為價錢都幾大眾化 而且食物質素都一流首先就揀咗個湯底先 我哋揀咗一個藥膳鍋 再加上醉雞 成個菜式都好補 醉雞雞肉好嫩滑又唔太肥 加上花雕酒嘅香味 令人食指大動朋友係食肉獸 所以又叫咗一個羊肉片 呢個羊肉片唔太騷 啱曬朋友食跟住又叫咗一個手切肥牛 雖然叫做肥牛但係又唔算好肥 牛肉味非常之重 口感煙韌 值得一讚之後又叫咗個白鱔 大家都知道係一個幾貴嘅食材 但係呢個非常之厚切 口感亦都好煙韌可口