影片
更多
2022-11-02
33 浏览
選擇題：隱世餐廳嘅定義可以係A. 路途隔渉B. 鮮為人知C. 舖面隱蔽D. 以上皆是呢間可能連該區街坊都未必知曉嘅日式鐵板燒料理小店都真係「D.以上皆是」，因為餐廳選址都好隱蔽，藏身喺平時真係連我呢個咁鍾意週圍貢嘅人都唔會點經過嘅細巷之中。午飯時間嚟串門，舖面係感覺沉甸甸嘅木門，按門鐘後輕輕一推（原來好輕 LOL）後係同室外完全相反嘅昏暗環境。眼球適應過後先望真餐廳五臟雖小，但佈局幾有格調，L字型bar枱周住個小小嘅鐵板料理枱。兩惻再有兩個卡位，大概係我去過最mini嘅鐵板燒料理店，出奇地有種家庭式嘅親切同可愛。極寧靜嘅環境，連談話音量彷彿都要「音量控製」，餐廳有四款價位嘅omakase，不過當日唔太餓但又想試羊架，心知冇咁抵食但都決定堅持散叫。開胃菜 #招牌沙律 正常發揮，沙律菜新鮮配菠蘿同酸甜龍珠果醒一醒胃，口水開始猛烈分泌證明胃口已ready。用意大利黃瓜作盤盛載住北海道刺身級帶子配魚子醬 賣相精緻，拌入蝶豆花海鹽泡泡推高咸味同時提鮮。肉類方面容我先發個小牢騷，因為當日咁啱係打風前席，早一晚完售嘅Angus同熊本M5牛都趕唔切供貨，有點sad 。退而求其次嘅唯一選擇係澳洲牛柳粒，
A. 路途隔渉
B. 鮮為人知
C. 舖面隱蔽
D. 以上皆是
呢間可能連該區街坊都未必知曉嘅日式鐵板燒料理小店都真係「D.以上皆是」，因為餐廳選址都好隱蔽，藏身喺平時真係連我呢個咁鍾意週圍貢嘅人都唔會點經過嘅細巷之中。
午飯時間嚟串門，舖面係感覺沉甸甸嘅木門，按門鐘後輕輕一推（原來好輕 LOL）後係同室外完全相反嘅昏暗環境。眼球適應過後先望真餐廳五臟雖小，但佈局幾有格調，L字型bar枱周住個小小嘅鐵板料理枱。兩惻再有兩個卡位，大概係我去過最mini嘅鐵板燒料理店，出奇地有種家庭式嘅親切同可愛。
極寧靜嘅環境，連談話音量彷彿都要「音量控製」，餐廳有四款價位嘅omakase，不過當日唔太餓但又想試羊架，心知冇咁抵食但都決定堅持散叫。
開胃菜 #招牌沙律 正常發揮，沙律菜新鮮配菠蘿同酸甜龍珠果醒一醒胃，口水開始猛烈分泌證明胃口已ready。
用意大利黃瓜作盤盛載住北海道刺身級帶子配魚子醬 賣相精緻，拌入蝶豆花海鹽泡泡推高咸味同時提鮮。
肉類方面容我先發個小牢騷，因為當日咁啱係打風前席，早一晚完售嘅Angus同熊本M5牛都趕唔切供貨，有點sad 。
退而求其次嘅唯一選擇係澳洲牛柳粒，焦香與油香並重，不過份量大少有調整空間。
羊肉方面火候控制精準，粉嫩羊肉質細嫩juicy，但羊羶味唔算濃烈。
最後嘅鵝肝炒飯有驚喜，粒粒圓潤爽口，煎香後鵝肝嘅油份滲入到飯粒當中👍🏻
张贴
