荷華庭園景餐廳 (已結業)

之前係網上見到有人推介，見到環境超靚，今日我地去完林村許願樹，順便去「荷華庭園景餐廳」食Lunch 。餐廳環境好大，庭園有錦鋰魚池、荷花池、噴泉，四周亦有好多植物，而且餐廳亦設有室外和室內，室外設有一間間獨立小屋和花亭，處處都是打卡位，這裡好適合渡過一個休閑的中午。餐廳有提供午市套餐和單點。我地點了3份午市套餐午市套餐有頭盤、主菜和飲品，亦可加錢點埋甜品。頭盤：海鮮忌廉湯海鮮忌廉湯入面材料好豐富，有蜆肉、紅蘿蔔、洋蔥等等，口感好Creamy ，另外香草包烘得非常香脆。頭盤：炸春卷墨西哥雞肉芝士餡餅薄餅煎得香脆，中間夾著雞肉和熱溶芝士，芝士非常咸香，芝味十足。香煎魚柳配蜜糖柚子汁魚柳煎得剛剛好，好嫩滑，食落啖啖肉，沾上蜜糖柚子汁意外地非常夾，味道清新，鮮味更提升美國安格斯肉眼扒點了5成熟，薄薄一大塊，肉眼扒有些筋位，帶點嚼勁，牛味濃郁。朱古力心太軟配雪糕心太軟夠流心，朱古力味道相當濃郁，配埋上雲呢拿雪糕一齊食，一冷一熱，冰火交融，口感滿足。