Noc Noc

营业中

休息中

夜晚返到大埔唔知食咩好，我哋最鍾意試新野，咁岩喺正屋企附近有間酒吧，平時八九點時間都好多人嚟食，見過環境都幾舒適，所以特登過嚟試吓。個環境都唔錯，我最鍾意幽暗嘅燈光，食落好有情調。價錢平庸，不過份量都幾大份，我哋兩個人帶咗兩份嘢食share食。墨西哥鐵板烤雞，三塊墨西哥餅，將啲雞肉夾喺墨西哥餅中間配上佢嘅牛油果醬同埋辣番茄，識落好開胃，本身雞個醬都有少少辣，令到人哋越食越想食，再加上佢有墨西哥薄餅，所以佢都算係一個主菜，都可以食到半飽。之後叫咗個美國安格斯肉眼扒，五成熟，份量好大份，熟度啱啱好，切開好多肉汁流出來，呢個份量出去食都要三百幾蚊，兩個人食真係啱啱好。