新麻蒲 BBQ (大埔超級城) (已結業)

今日同朋友去左試下大埔新開間韓式BBQ，6點幾去到已有幾枱客人，但場仲未full，可以直入唔駛等，太好了！我地揀左套餐SS1，待應話因為部隊鍋仲未運到來全州伴香港，可以免費升級食拌飯，正！除咗泡菜仲有其他五碟前菜，加1碟生菜，仲有4碟醬汁，放到成枱面都係野食，有點誇張吧！叫左野食就倒蛋漿全州拌飯，初時我覺得一般，原來要加醬汁撈埋先好味，食到一半至知道！有大蝦，蔬菜，兩大碟肉。都係牛但我分不清楚係咩牛，都好好味，份量好多！初時以為燒，燒焦左一片，後尾先知係用生菜再加d泡菜同醬料來包住舊燒肉食。包住生菜食係有一種清新感，食多左都唔覺膩。大蝦新鮮，d殼唔痴肉。本來覺得燒冬菇應該唔好味，唔知點解燒完仲好juicy，反而年糕有一點乾，可能我唔識燒。$300幾蚊，2大1小食得好開心，特別係小朋友可以玩下燒野食。