一鳴拉麵

营业中

休息中

大埔既拉麵第一次食，依度係大埔站落行去都ok。拉麵有分普通 黑蒜 限定款式等等，仲有飯 冷麵 炒麵擇，唔係純拉麵店既。拉麵是我地今日之選。黑蒜鳴係自家黑蒜油既豬骨湯，配太麵又叫曲麵，普通麵質，少蔥及主菜係叉燒，要了2辛。先講一講湯底，黑蒜唔咸既，帶微微蒜香味既。唔會太濃既，第一次食黑蒜既人，可食做入門黑蒜派既一餐。紫菜有兩塊，嘻嘻開心。第二個係翠鳴係菠菜豬骨湯底，配直麵，硬麵質，多蔥及主菜都係叉燒，不要辣。先講湯底，好綠好似好怕？其實唔係，有少少菠菜碎既，唔會有菜生味，濃既豬骨湯底。叉燒配菠菜湯，就似帶一絲菜既清爽，無咁濃肉味，女仔健康點既食法。日式煎餃係韮菜豬肉既，好重韮菜味。因為係煎既關係，好香口。細細地，一口入口有汁爆少少，小心熱。依度好日風小店，木既枱椅，都有風味呀，又有日本歌，依度筷子係一次用乾淨。