阿三大牌檔

营业中

休息中

。前排入咗大埔搵朋友食飯，我哋經過一間大排檔，發現佢啱啱開張無耐，入面滿滿都係人，於是我哋當然唔執輸去食埋一份啦🤪-我哋叫咗黑椒鐵板龍蝦🦞，一上枱嘅時候已經「渣渣聲」，好鬼吸引，再配上佢嘅黑椒汁，同埋酒 燒一燒😍，好睇又好食呀，份量亦都唔少㗎💯-我哋仲叫咗豉椒炒蜆（大辣），鍾意食辣嘅你千奇唔好錯過，真係好惹味呀💯-蒜蓉燒扇貝，每粒都大大隻，燒到啱啱好，加上佢嘅蒜蓉同辣椒🌶️，真係好香，扇貝非常嫩滑。-蒜蓉燒生蠔，同樣地加咗辣椒同蒜蓉燒，燒到啱啱好，味道好鮮甜👍🏻👍🏻-豆豉蒸鱔，嘩好肥美😍，太耐冇食啦，真係好好食呀，味道好香濃，配埋飯一齊食真係冇得輸呀💯😘-黃金豆腐，平時都已經好鍾意食豆腐，而佢哋整出嚟嘅豆腐口感好滑，粒粒嘅大細都一樣，好簡單嘅一道餸但係味道一啲都唔簡單啊❤️❤️😋-薑蔥田雞煲，用咗薑蔥去爆香，真係超耐冇食田雞啊，肉質好實，非常之惹味，我仲好鍾意食佢嘅原粒蒜頭🧄，連啲薑蔥都非常之入味呀💯❤️-最後就係叫咗個珊瑚素心燕，呢個係一個素食嚟嘅，嘩連個菜都可以整得咁靚😍好鬼正💯