影片
更多
2025-08-02
245 浏览
月尾出左糧食餐好啲，唔想又出到旺角尖沙咀嗰啲食放題，返到大埔墟搵食🤓上網搵放題就出左『滿屋日本料理』有放題又多好評，係正大埔超級城地下就係，所以去試下喇😝😚通常平日一至四食呢啲放題都平啲，如果趕得切５點時段仲再平$10👍🏻不過見佢$298一位食兩個鐘都唔算太貴，所以揀左個A嚟食🥰1. A餐經典雙重大目吞拿魚炮魚刺身海洋盛宴(星期一至四 5:30後 自選兩小時成人$298) 佢呢個A餐其實都有成75種食物嘅選擇😬先講刺身已經有16種，食放題嘅識食緊係食多啲刺身啦 😂三文魚吞拿魚油甘魚帶子好新鮮 🤤另外佢有幾款特式壽司都叫左啲試下，龍蝦膏赤蝦壽司第一次試，蝦膏味都濃👍🏻仲有一款焦糖鵝肝壽司，焦糖鵝肝好香口，鵝肝入口即溶唔會好漏好味 😋仲有其他平時少見嘅嘢食「黑松露鮑魚魚生撻」「蝦蝦吞拿魚他他杯」都有趣 ，尤其係個他他杯裏面啲吞拿魚蓉好滿足😝熱食方面「爆炒鱔球」好多鱔片即炒，「豉椒炒蜆」啲蜆都多同無沙🤩「竹笙瑤柱蟹肉魚翅羹」同出面去飲啲翅一樣足料，估唔到呢🤗仲有BB乳鴿🦆其他燒物，牛舌、羊鞍嗰啲都正常發揮 ，每樣叫一串都已經食到好飽👻而呢次放題原來係有榴槤食嘅，有兩款：『馬來西亞烤榴槤』同『
通常平日一至四食呢啲放題都平啲，如果趕得切５點時段仲再平$10👍🏻不過見佢$298一位食兩個鐘都唔算太貴，所以揀左個A嚟食🥰
1. A餐經典雙重大目吞拿魚炮魚刺身海洋盛宴(星期一至四 5:30後 自選兩小時成人$298)
佢呢個A餐其實都有成75種食物嘅選擇😬先講刺身已經有16種，食放題嘅識食緊係食多啲刺身啦 😂三文魚吞拿魚油甘魚帶子好新鮮 🤤另外佢有幾款特式壽司都叫左啲試下，龍蝦膏赤蝦壽司第一次試，蝦膏味都濃👍🏻仲有一款焦糖鵝肝壽司，焦糖鵝肝好香口，鵝肝入口即溶唔會好漏好味 😋
仲有其他平時少見嘅嘢食「黑松露鮑魚魚生撻」「蝦蝦吞拿魚他他杯」都有趣 ，尤其係個他他杯裏面啲吞拿魚蓉好滿足😝
熱食方面「爆炒鱔球」好多鱔片即炒，「豉椒炒蜆」啲蜆都多同無沙🤩「竹笙瑤柱蟹肉魚翅羹」同出面去飲啲翅一樣足料，估唔到呢🤗仲有BB乳鴿🦆其他燒物，牛舌、羊鞍嗰啲都正常發揮 ，每樣叫一串都已經食到好飽👻
而呢次放題原來係有榴槤食嘅，有兩款：『馬來西亞烤榴槤』同『貓山王榴槤炸彈』，鍾意食榴槤嘅都知烤熱嘅榴槤會更香，但因為都飽所以今次只係叫左一件，超好味😝而榴槤炸彈熱辣辣都係必食👍🏻
飲品汽水啤酒好多選擇，甜品雪糕種類好多，諗到嘅都有，如果下次係大埔想食放題，一定要試呢間滿屋🙌🏻
张贴
