就搵下附近有咩可以醫肚～
見到依間粉果佬咁多人排就諗住try
後尾check返先知係大埔名物黎😳
.
小食店格局莫名好有香港復古味道
特別係食物名牌 好似好耐無見過🤭
除左主打粉果燒賣 仲有魚蛋同魚肉碗仔翅～
.
▫️家鄉粉果 $12/3粒
店家每日新鮮自家製粉果
大大粒 一口食超滿足der😚
包滿左粉葛粒豬肉芹菜
口感好飽滿多料 食落好煙韌
配埋秘製辣醬更香口
.
▫️魚肉燒賣 $10/5粒
燒賣同樣都係大大粒～
原來連燒賣都係自家製
用肥豬肉鯊魚肉冬菜葱頭等製成
每啖都滿滿肉餡有咬口 一啲都唔空虛
加埋辣仲更加惹味過癮
.
▫️生菜魚肉 $22
小食黎講 我都幾鐘意食生菜魚肉😚
姐姐會問係咪要晒胡椒麻油醋 當然是😛
生菜同魚肉一大碗各佔一半 好足料
魚肉食落偏幼身爽口 麻香味偏重
冬天吃完真係覺得好暖笠笠
.
粉果同燒賣都食得出係人手製
真係好足料同超用心der～
下次去開大埔肚餓會識黎吉串燒賣😛
