芝加哥串燒酒場 (太和中心)

大埔友出動！ 約左朋友吹水，喺返大埔搵食啦。 本來舊舖係一間小舖，專打串燒。 新舖位置更大，更近太和港鐵站，因為係內街，比較靜。 格局似酒吧，環境比較黑，吹水傾計氣氛都唔錯，但點野食時order紙啲字就難睇啲啲。吹水必備嘅啤酒，仲有draft beer同cider等等。同朋友都揀左Little creatures呢個牌子，我自己嘅IPA花香味比較重，女仔都好啱飲，易入口。朋友嘅Original pilsner就麥芽香味重啲，啤酒味亦都較濃。串燒一大板上枱，賣相唔錯，不過就唔能夠保持全部野一樣咁熱，味道變左爭少少。 左起：燒牛油帆立貝、串燒鵪鶉蛋、芝士雞脾肉串、鹽燒雞翼、鳯梨燒、味噌甲羅燒，最好食係鳯梨燒，用左新鮮菠蘿，多汁又超級香甜。仲有原條黃立䱽燒，厚肉無細骨，朋友好鍾意，大讚！