影片
更多
2017-09-21
850 浏览
舊同學聚舊，我哋兩個大埔友決定出去大埔墟搵食。去到廣福道，見到間西餐廳，門面其貌不揚! 夜晚八點半，望一望入面都有九成客，應該唔錯呱。門口有餐牌，啲野又幾啱食，就入左去。入面係平民西餐廳裝修，牆上掛住啲啤酒logo。西餐廳有對中式對聯。墊枱餐紙有兩款推介菜式，而今晚咁啱呢兩款都有做晚市套餐，就叫嚟試吓，唔駛諗咁多，一於叫B餐同C餐。頭盤可以揀迷你凱撒沙律 或 是日餐湯，老同學，大家都知對方「為食」，又鍾意試唔同野嘅嘢，每款各一，開心SHARE就最好啦~迷你凱撒沙律都做足本份，生菜、麵包粒、炸煙肉、芝士碎全部有齊。是日餐湯 - 忌廉磨菇湯磨菇味好香，都幾濃稠。好彩佢冇配麵包或多士，唔係真係會好飽。C餐 脆皮德國咸豬手配酸菜薯蓉$168，大部份客人都有點，而且係「巨」大份，仲要配薯蓉。表皮烤到好脆，脆卜卜。肉色紅嫩軟腍。難得酸菜都有三款，中間紅菜頭酸菜最好食，酸中帶甜。另外兩款就有啲過酸。B餐 12oz 美國安格斯肉眼扒配芝士煙肉焗薯$208，又係「巨」大份，我覺得佢唔只12安士。表面冇燒烤烙紋，感覺有啲失色，而且偏鹹。但因為呢塊扒有部份係牛膏，加上安格斯牛本身牛味濃，牛味特別出。裏面保持
門口有餐牌，啲野又幾啱食，就入左去。
入面係平民西餐廳裝修，牆上掛住啲啤酒logo。
西餐廳有對中式對聯。
墊枱餐紙有兩款推介菜式，而今晚咁啱呢兩款都有做晚市套餐，就叫嚟試吓，唔駛諗咁多，一於叫B餐同C餐。
頭盤可以揀迷你凱撒沙律 或 是日餐湯，老同學，大家都知對方「為食」，又鍾意試唔同野嘅嘢，每款各一，開心SHARE就最好啦~
迷你凱撒沙律
都做足本份，生菜、麵包粒、炸煙肉、芝士碎全部有齊。
是日餐湯 - 忌廉磨菇湯
磨菇味好香，都幾濃稠。好彩佢冇配麵包或多士，唔係真係會好飽。
C餐 脆皮德國咸豬手配酸菜薯蓉$168，大部份客人都有點，而且係「巨」大份，仲要配薯蓉。
表皮烤到好脆，脆卜卜。
肉色紅嫩軟腍。
難得酸菜都有三款，中間紅菜頭酸菜最好食，酸中帶甜。另外兩款就有啲過酸。
B餐 12oz 美國安格斯肉眼扒配芝士煙肉焗薯$208，又係「巨」大份，我覺得佢唔只12安士。
表面冇燒烤烙紋，感覺有啲失色，而且偏鹹。
但因為呢塊扒有部份係牛膏，加上安格斯牛本身牛味濃，牛味特別出。裏面保持紅嫩。
最難得係配搭焗薯，薯蓉薯條就成日食，焗薯係我最鍾意嘅薯仔食法嚟。忌廉、芝士、煙肉，好正!
加$15可以配特飲，選擇好多。
我哋不約而同揀左朱古力脆脆沙冰，一人一杯，沙冰上面有忌廉同朱古力粉，仲要咁大杯。只可講一句︰肥就一齊肥啦! 甜度適中，但脆脆口感又唔多覺，而好留意先覺佢有少少脆。
加$18是日甜品 - 藍莓芝士蛋糕，叫左一份Share。都幾大件，藍莓醬入面有藍莓果肉，唔似藥水味，唔錯。
見到隔嚟枱個漢堡包，塊漢堡大過我拳頭，好誇張，下次要嚟食!
店員都係年青人，幾有禮貌，晚餐都唔駛加一!整體嚟講唔錯，試齊兩款招牌菜式又湯又特飲又甜品，每人二百零蚊，幾抵食。
张贴
