水門雞飯 (汀角路) (已結業)

其實大埔東南亞菜為數唔多，但天氣熱到唔太想出遠門又想食既時候，好多時候都會黎呢度開飯。因為抵食，同埋似有冷氣既大排檔。泰式豬手飯：想講豬手既份量都幾大，豬手既質地會係相對淋身個款，皮肉好易就分離，撈埋飯到食幾好，白飯可以硬身多少少就更好。另外跟餐加既芥菜苗幾爽脆，唔會有苦澀味，面頭會有馬拉盞肉碎，開胃得黎個量幾大。男人叫咗大蝦泰式炒金邊粉：差唔多次次黎都會叫呢個，因為幾還原到泰國既味道。主要炒粉本身會係有火氣，同埋蝦肉彈牙，炒到乾身基本上無得輸。另外跟餐男人叫咗胡椒單骨雞翼，雞翼係焦脆個款，同埋幾入味，有送酒小食feel。菠蘿沙冰：沙冰菠蘿味幾濃，會比較甜。洛神花茶：洛神花酸度岩岩好，其實味道真心似山楂茶。Overall兩個人有主食+小食+野飲，$200內埋單，區內叫幾有性價比。