拉麵來 (已結業)

喺銅鑼灣大坑，有好多小店等你來發掘，今日發掘到嘅係浣紗路嘅『拉麵來』。呢間小店有『金』、『木』、『水』、『火』、『土』五隻拉麵，而『土』又有5隻不同配料的拉麵揀。我和朋友揀咗『木』嘅『白松露野菌豚骨湯麵』和『土3』嘅『熊本黑蒜油豚骨湯面』，而且不約而同哋揀咗味付玉子和香筍做配料，『木』湯麵本身都有紫色椰菜，木耳絲，菇菌等配料，白松露獨有香味令人陶醉，加上味付玉子濃郁的蛋香及流心蛋黄，真係非一般好食，香筍應該係罐頭產品，嫩脆嫩脆的，而我飲咗朋友嗰碗湯麵的一匙羹湯，有好濃香黑蒜味。飲品點咗蘋果蘇打及綠茶可樂，朋友話可樂味中帶有些少緑茶香氣。