影片
更多
2020-01-13
299 浏览
平時極少到大坑食飯，多年前食過大排檔、咖啡店，有唔少都已經換上新面貌，近日因應朋友約，黎過食日本野，覺得味道都唔錯，離開時方喺大坑仲有兩間同品牌日本料理，於是再相約朋友食好西。週日晚上，天氣稍稍轉涼，正係食燒肉嘅好時機睿和牛燒肉同居酒屋係相連鋪位，日本料理例如刺身、壽司嘅部份，餐牌互通，呢邊當然可以食埋燒肉。全店枱櫈唔多，記得訂枱一般日本料理嘅格局，以深木色為主調，配上木簾、日式掛畫，加上鋪面小小，感覺都幾cosy。每枱都設有抽風系統，不得不讚，一來烤爐少煙，二來抽風出色，燒肉過程煙少，離開時亦冇一身煙味，之後坐車都唔會尷尬。睿和牛燒肉主打日本和牛燒肉，A5飛驒牛見到相都流哂口水。餐牌供應刺身、壽司、燒物、串燒、天婦羅、紙鍋料理等，價格中上。燒肉嘅部份品項唔多，主打特上和牛盛盒、飛驒牛及海鮮拼盤，以和牛盛盒為例，2人前定價$988。前菜 枝豆冷絹豆腐配芝麻醬 $58距離午飯時間唔係好耐，先點少少開胃前菜，揀左芝麻醬豆腐。豆腐滑溜就唔洗講，配麻醬好難唔好食，加埋木魚碎特別香。 蟹籽忌廉芝士沙律 $108蟹籽沙律新鮮，蟹籽份量大方，配上忌廉芝士，有新鮮感。油甘魚壽司 油甘魚厚實滑嫩，味道甘
睿和牛燒肉同居酒屋係相連鋪位，日本料理例如刺身、壽司嘅部份，餐牌互通，呢邊當然可以食埋燒肉。全店枱櫈唔多，記得訂枱
一般日本料理嘅格局，以深木色為主調，配上木簾、日式掛畫，加上鋪面小小，感覺都幾cosy。
每枱都設有抽風系統，不得不讚，一來烤爐少煙，二來抽風出色，燒肉過程煙少，離開時亦冇一身煙味，之後坐車都唔會尷尬。睿和牛燒肉主打日本和牛燒肉，A5飛驒牛見到相都流哂口水。
餐牌供應刺身、壽司、燒物、串燒、天婦羅、紙鍋料理等，價格中上。
燒肉嘅部份品項唔多，主打特上和牛盛盒、飛驒牛及海鮮拼盤，以和牛盛盒為例，2人前定價$988。
前菜 枝豆
冷絹豆腐配芝麻醬 $58
距離午飯時間唔係好耐，先點少少開胃前菜，揀左芝麻醬豆腐。豆腐滑溜就唔洗講，配麻醬好難唔好食，加埋木魚碎特別香。
蟹籽忌廉芝士沙律 $108蟹籽沙律新鮮，蟹籽份量大方，配上忌廉芝士，有新鮮感。
油甘魚壽司
油甘魚厚實滑嫩，味道甘甜，裡頭已加有少量芥茉。
三文魚籽軍艦
三文魚籽晶瑩鮮甜，不帶一絲鹹腥。
中吞拿魚腩壽司
吞拿魚腩嫩紅，入口即可感受魚油的豐腴，完全無筋，入口溶化。
火炙和牛壽司和牛烤至焦香，雖然薄薄一片，但選用帶油花的部份，配合香蔥、肉汁，實在滿足。
燒肉前，店員會送上日式烤爐，輕輕加入水份，然後提醒我地每款食物大概可以點樣燒，同燒幾耐。呢個爐唔錯，燒肉嘅位置唔算超多，火喉剛好，適合慢慢烤，唔容易烤焦。
和牛三角牛排肉
三角牛排肉味濃郁，油花細緻，分佈平均，厚薄適中，輕輕燒至半熟，入口溶化，不費牙力，油脂四濺。輕輕沾上岩鹽已經好正，無需多餘醬油。
黑豚腩肉
黑豚腩有醃過，加上芝麻，吃起來更香。黑豚腩半肥瘦，口感軟嫩有彈性，脂肪嘅部份更加有啲爽脆感。
特選海鮮拼盤性價比不俗嘅拼盤，包括有兩隻海蝦、鮑魚、帆立貝同大蜆。
海蝦都幾大隻。
鮑魚燒到牛油溶化就食得，肉就唔係好厚，食落都好爽彈啊。
大蜆肉質飽滿，食落鮮味。
帆立貝大隻，同樣燒到牛油溶化就食得，清洗乾淨，貝類最緊要新鮮。
整體食物都係有水準，壽司款式多，至於主打嘅和牛質素符合價錢。
张贴
