餸記潮食 (已結業)

以前講起潮州菜會諗起打冷鋪但其實依家食潮州菜都可以好精緻好潮㗎今晚同屋企人去左大坑嘅餸記潮食呢度最出名就係自製嘅兩款滷水汁環境好舒服 卡位夠晒闊落野食高質服務又好 大家都好滿意呀精品六宮格先嚟個冷盤 每樣都好精緻 最鍾意話梅蕃茄仔 好甜好清新夠晒開胃呀艾雷威士忌鵝肝西餐嘅煎鵝肝就食得多喇其實潮式用白滷水煮嘅鵝肝都好好味呀用白滷水滷過嘅厚切鵝肝好甘香再淋上花雕同威士忌 好食到不得了秘制口水雞呢度嘅口水雞係香 但唔辣嘅 怕辣人士都食到雞肉好滑好有彈性獅頭鵝拼盤食潮州野點可以唔食滷水鵝呀一盤有齊鵝掌鵝翼鵝片 滷得好入味 鵝片嫩滑啖啖肉 鵝掌翼層皮同筋位就夠咬口餸記炒米粉米粉幼身有彈性 海鮮配料有蝦 蠔仔 墨魚 加埋xo醬一齊 炒得乾爽唔油膩蒜蓉油麥菜夠鑊氣感覺好油潤 蒜蓉大大粒 食落甜甜地仲有好多野都想試下 呢間絕對有下次 ！