巴別橋地道燒烤

营业中

休息中

食過好多次嘅串燒店，呢到嘅串燒絕對係「善待自己」串燒之選——食完唔會咯喉、海鮮夠新鮮juicy, 用料高質（相對當然會高價位少少～但係一次半次善待自己是必須的😝）嚟到全部海鮮必點！蠔、帶子、蟶子⋯⋯全部都大隻嘅，對得住價錢，燒到剛剛好唔會太乾。另外調味都唔會話蓋過本身鮮甜，好味。佢地啲蒜蓉應該係煮過，唔會好辣口，淡淡蒜香好吊到味。鹽燒花螺：超級正，大大粒乾身唔會韌，配鼓油同wasabi, 逐粒dap吓慢慢吹吓水好正。清酒煮蜆：甘甜酒香，個湯底飲埋滋潤返，同串燒嚟個中和。其他肉類都好出食，燒到剛好，基本上嚟到好似款款都會叫吓😂因為無樣伏，全部都信心之選。小店得嚟，店員好好招呼，係好親切嗰種會同你傾偈但又唔會打擾到同朋友之間嘅對話同空間，食得好窩心。