沙田新強記燒鵝海鮮酒家

营业中

休息中

新強記係大圍老字號酒家。好多朋友推介佢哋嘅招牌燒鵝，乳鴿，雞粥好出色，今日入嚟試試。店內很大很闊落，門面及裝修有懷舊風味。午市時段好多食物選擇，有午市特價燒味飯，點心，小炒，招牌乳鴿餐。叫咗呢個乳鴿餐，都幾吸引。雞粥先上枱，一大煲，份量好足料，粥好棉，雞肉都幾多舊，雞肉嫩滑有雞味，推介。乳鴿2隻，分切成8舊上碟。燒得幾靚。皮燒得香脆，有肉食到，唔會太瘦。整得好惹味。亦係推介。金銀蛋時蔬，即係湯煨白菜仔，拌以雲耳，調過味嘅肉碎，蛋白及皮蛋。白菜仔清清哋，健康啲。2人食嘅話，女士都足夠。下次有機會想試埋佢哋嘅燒鵝😍。