河內越式料理 (村南道)

营业中

休息中

食越南料理最心心念念一定重口味雞翼，今次嗌嘅法式牛油雞翼份量十足，外皮炸得好香脆，咬落仲啖啖肉。諗住叫多一個小吃，但擔心太Heavy，就叫咗一個平時少叫嘅青木瓜沙律，出面食嘅青木瓜沙律好多都硬骨骨，而今次呢個沙律咬落脆而不硬，食落非常清爽。嚟到主食方面，蟹膏湯檬就一定走唔甩啦，湯底蟹味香濃，豆卜吸飽湯汁，十分惹味。撈檬方面豬扒亦非常出色，食落唔會太乾，質地亦算鬆軟，配料配合醬汁非常開胃。最後我哋仲嗌咗青檸冰同埋三色冰解解渴，值得一題係好耐冇飲嘅三色冰，椰汁唔會好稀材料亦都好足，直頭係有細個飲嘅味道啊！