河內越式料理 (村南道)

营业中

休息中

大圍呢間越南河粉我次次糧尾就會黎食🤣貪佢幾十蚊平平地夾大件，種類多又有多選擇。兩個人通常$100內就埋到單，當然如果加特飲就會貴啲。但佢唔使加一所以都抵食。.今晚叫左「順化蕃茄蟹肉札肉湯檬$66」同「極品牛三寶湯河粉$69」，佢個蕃茄湯底濃得黎多蟹肉，次次都要飲晒個湯先得。牛三寶湯河粉好正宗越南風味，有生牛肉、牛展、牛丸，辣椒粒仲會分開上，唔食得辣嘅都可以食到。.小食就加點「越式炸蝦餅$29」、「越式豬頸肉$29」佢既炸物好食又唔貴，餸湯粉岩岩好👍🏻跟餐+$12轉特飲，+$18轉滴漏咖啡，鍾意飲越南咖啡嘅可以一試，咖啡味好重，但建議叫少甜就可以😚😚