大圍小館

营业中

休息中

大圍有唔少精美小菜館，我幾鍾意試吓唔同嘅廣東小菜，雖然屋企都成日煮，但係高級啲嘅小菜館就會試到比較有鑊氣嘅小炒。今日同屋企人慶祝生日，搵咗呢間大圍小館試吓。大概晚上六點幾都已經開始有好多人排隊。環境寬敞，抗疫安排唔錯。第一道菜，意大利黑醋排骨，係採用上等意大利黑醋烹調第二道菜沙薑雞，採用新鮮靚雞，不肥不瘦，味道鮮美，肉質非常嫩滑。第三道菜封肉炒芥蘭，封肉是特選豬腩部份，肥肉與瘦肉均勻，將其醃製再用臘紙風乾，取出時肉質非常堅硬，待軟身後才可切片蒸熟，非常甘香。最後馫籠仔蒸飯， 取其名為「三香」，即係有蝦乾魷魚乾同埋魚乾三樣嘅香料，先將白米用蛋白炒香， 再加入呢三種材料一齊蒸熟，仲有甜豉油可隨各人口味加配，平時唔會食咁多飯，都忍唔住食咗兩大碗。好精美好值得推介嘅小菜館。