103
37
23
等级1
1
0
以前曾光顧大喜屋不下5次,每次都飲飽食醉盡興而歸,誰知事隔一兩年,再返黎回味所得到的竟然係「完。全。中。伏」的不愉快回憶! 1) 中環大喜屋地方細眾所週知,但我完全冇想象過俾$5XX兩位,係坐升降機前面的一張摺枱度食...大喜屋以前lift一出轉左就係reception, 前面有個俾人等位的小lobby。而家佢架lift封左唔俾人上,小lobby間埋做餐廳一部份,枱同枱之間的距離...正常人係側埋身都入唔到的,小妹我出入都要麻煩隔離枱起身讓路,非常不便。基本上連細聲對話隔離都聽到,我地當日仲要有班坐12人枱的學生嘈到拆天,耳仔受罪。嗯,你地冇眼花,一個冇200呎的lobby位,坐左一張12人枱、一張3人枱、同起碼兩張2人枱!!!侍應自己傳菜都行唔到埋某D枱!!! 仲要lobby位冷氣不足,結果要order大量冰凍汽水降溫。 2) 食物質素直線下降-刺身唔得,帶子無味、吞拿魚有渣、甜蝦是霉的,同以往水準相差甚遠。-記憶中天婦羅係做得唔錯的,但今次...4件炸物的油已染滿整張墊底紙,分明晾都冇晾下D油就上碟。夾起黎D油當然跟住滴,炸粉厚過隻蝦、冬菇油淋淋,見到都冇胃口。-芝士焗蠔白汁味道還
更多

以前曾光顧大喜屋不下5次,每次都飲飽食醉盡興而歸,誰知事隔一兩年,再返黎回味所得到的竟然係「完。全。中。伏」的不愉快回憶!
 
1) 中環大喜屋地方細眾所週知,但我完全冇想象過俾$5XX兩位,係坐升降機前面的一張摺枱度食...

大喜屋以前lift一出轉左就係reception, 前面有個俾人等位的小lobby。而家佢架lift封左唔俾人上,小lobby間埋做餐廳一部份,枱同枱之間的距離...正常人係側埋身都入唔到的,小妹我出入都要麻煩隔離枱起身讓路,非常不便。
基本上連細聲對話隔離都聽到,我地當日仲要有班坐12人枱的學生嘈到拆天,耳仔受罪。
嗯,你地冇眼花,一個冇200呎的lobby位,坐左一張12人枱、一張3人枱、同起碼兩張2人枱!!!侍應自己傳菜都行唔到埋某D枱!!! 仲要lobby位冷氣不足,結果要order大量冰凍汽水降溫。
 
2) 食物質素直線下降


-刺身唔得,帶子無味、吞拿魚有渣、甜蝦是霉的,同以往水準相差甚遠。
-記憶中天婦羅係做得唔錯的,但今次...4件炸物的油已染滿整張墊底紙,分明晾都冇晾下D油就上碟。夾起黎D油當然跟住滴,炸粉厚過隻蝦、冬菇油淋淋,見到都冇胃口。

-芝士焗蠔白汁味道還算ok但偏鹹,隻蠔焗完之後細到我見佢唔到。
-燒物還可接受,羊架ok。

基本上order左一轉已經完全冇心機食,又熱又迫又掃興,價錢與質素服務完全成反比。人迫到完全冇意欲舉機拍照,也不可能對住其他食客影環境,所以無法提供照片,希望不會因此而不被登出。
题外话/补充资料: 由於門口for等人的lobby位已消失,等入坐的位置移至另一邊lift口,唔知係咪太多人,reception姐姐叫人企一邊等時個面勁黑。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2013-04-12
等候时间
10 分钟 (堂食)
人均消费
$260 (晚餐)
庆祝纪念
纪念日