檳榔島敍

营业中

休息中

突然有种心血来潮想食马来西亚菜，二人套餐较抵食只需$366，而且选择种类都几多，可以自由搭配。椰浆饭配马来生炸鸡髀，鸡髀炸得热辣辣脆卜卜，鸡皮一咬就有超脆既声音，鸡髀肉唔干身，做到锁住肉汁无流失，辣酱味道会偏辣少少，我觉得加落鸡髀到黎食好正，饭粒有阵阵椰香味。马来甘香海鲜天使面，需要加$28，天使面炒得够香够入味，带有少少辣够惹味，海鲜之中虾嫩滑弹牙，青口亦饱满大只。小食拼盘，自选三款，拣左马拉盏一口虾多士、参巴水牛城鸡槌、马拉盏鱿鱼圈，酱汁有两款，辣酱和类似甜酸酱，鸡槌同样炸得够嫩有肉汁，鱿鱼圈外层酥脆，内里爽口弹牙。班兰咖央多士，食星马泰菜必点既咖央多士，方包烘得好脆，这店咖央放入左牛油，好邪恶但好食能胜于一切。美禄山，先饮一啖饮品再舀一匙羹美禄直接放入口，双倍浓郁味道好满足。槟榔岛敍杂果宾治，非常清甜解渴，生果有几多款就数唔到，但一边饮一边食生果粒好有口感。香烤薄饼配辣茄鸡件($68)，再点多一款小食，辣茄酱其实唔算太辣，好岩唔食得辣既客人，鸡件其实系鸡槌咁大件，炸得香脆，薄饼一定要趁热食，放凉左就会开始变硬。