大同老餅家

营业中

休息中

今日特登入元朗買盒大同老餅家出品的老婆餅試吓,去到阜財街差不多下午3時半。當時店裏唔算多人,一入去就望吓今次的目標傳統老婆餅放喺邊,望咗兩望見舖中間有個保溫餅櫃,入面放滿不同的餅食而傳統口味的老婆餅就放在保溫餅櫃最頂嗰架。傳統口味的老婆餅售價$6一個,異話不說就叫店員姐姐外賣半打行街,店員姐姐幾好禮貌兼且好快攪掂入盒可以走人,是次消費共$36。返到屋企就即刻同屋企人分享,意外地打開盒D老婆餅並沒有像以往買元朗恆香總店出品的老婆餅咁餅皮脫落"散修修",可能恆香喺餅廠入盒再經運輸送舖運輸時掟散咗D餅,所以每次喺恆香買返來D老婆餅都"散修修"沒有一件老婆餅是完整的就係咁樣變相口感同賣相就變得差咗啦,如果各位有買過恆香出品的半打庒老婆餅就一定知我講乜啦!講番正題今次首次幫襯的大同老婆餅食落口感外面鬆脆裏面軟稔,冬瓜蓉甜度剛剛好並沒有恆香出品的老婆餅咁甜值得一試,本人強烈推介給鍾意食老婆餅的各位兄弟姊妹!下次我會再去大同老餅家總店幫襯,試吓佢出品的其他餅食。