地點：尖沙咀重慶大廈
菜式：日本菜
餐牌：刺身，壽司，軍艦，卷物，手卷，沙律，冷麵，漬物，熱食，小食，炸物，燒物，甜品，無酒精飲品，酒精飲品。落單用QR code。
先黎一壹暖住既花茶飲返杯。茶具都好精緻。
極上軍艦三貫 $148 另加一
海膽軍艦既海膽份量唔少，滑溜唔腥。
三文魚籽軍艦既三文魚籽大大粒，鹹香爆汁。
香蔥吞拿魚蓉軍艦滑溜，加上蔥花同白芝麻粒，好味道。
嚴選金槍魚三貫 $148 另加一
赤身吞拿魚好厚切。
中拖羅吞拿魚好似大拖羅一樣肥美。
大拖羅吞拿魚入口即溶，油花四溢。
香蔥吞拿魚蓉軍艦 $38 另加一
香蔥吞拿魚蓉軍艦一客兩件，呢個價錢都抵食。
火炙蒜味牛油赤海老壽司 $30 另加一
連頭赤海老肉質鮮甜，蝦頭有汁。食落帶微微牛油香。
火炙蒜味牛油帆立貝壽司 $30 另加一
帆立貝好大隻，肉質鮮甜，食落甜甜地，有牛油香。
火炙左口魚裙邊壽司 $20 另加一
左口魚裙邊非常滑溜，入口即溶，面頭灑上蔥花。
火炙鹿兒島A4和牛 $40 另加一
鹿兒島A4和牛果然嫩口，一咬即開，加左蔥同薑蓉令味覺更清新。
所有壽司飯酸度同濕潤度都適中，而份量偏少，唔會太飽。
總括而言，呢餐夠飽而完全唔會飽滯。呢度環境高檔而卡位有私隱度。
