食美軒 (已結業)

就黎冬至，今日提早做節，一行四人黎到旺角火車站太平道既食美軒食呢個「金秋蟹宴」。餐廳好多玉石制既雕塑像，優雅高尚，坐得舒服。「金秋蟹宴」有幾款蝦蟹既菜式同個煲仔飯。蟹盒，蟹蓋釀滿蟹肉落去酥炸，啖啖鮮甜蟹肉，唔油膩。雪裏藏龍，賣相相當吸引，滿滿既蛋白蓋住蝦仁同脆炸過既蝦，蛋白非常幼滑，好味又徤康。蟹粉豆苗，豆苖新鮮嫩口，加埋個蟹粉芡汁，無得頂。蟹粉小龍包，人地話小龍包要皮薄多汁，夾起又唔穿先叫正，我梗係即刻試試，真係正野。臘味煲仔飯，好惹味。臘味有幾款，臘鴨、臘腸、潤腸同臘肉，呢個時候食真係飽肚暖笠笠。